Euskal AEko industria-jarduerak % 3,5 egin zuen gora 2018ko otsailean

Industria-ekoizpenaren indizeak % 3,6ko igoera metatu du 2018ko lehenengo bi hilabeteetan.

Aurreko hilarekin, 2018ko urtarrilarekin, alderatuta, Euskal AEko industria-ekoizpenak % 0,2 egin zuen behera, urtaroetako ondorioak zuzendu ondoren.

Hilabeteen arteko aldakuntzak ere, 2018ko otsailekoak, 2018ko urtarrilaren gainean, zeinu ezberdina izan du industria-sektore handietan. Ekipo Ondasunak % 4,0 jaitsi dira eta Tarteko Ondasunak % 0,4, baina Energia % 9,6 igo da eta Kontsumoko Ondasunak, oro har, % 1,5, Kontsumo Iraunkorreko Ondasunek % 2,2 egin dutelako gora eta Kontsumo Ez Iraunkorreko Ondasunek % 1,3.

Urte arteko aldakuntzak

2018ko otsaileko indizearen bilakaerak, 2017ko otsailaren aldean, zeinu ezberdineko bilakaera izan du industria-sektore handietan. Energiak % 19,3 egin du gora, Tarteko Ondasunek % 3,1 eta Kontsumoko Ondasunek, oro har, % 0,7. Horien barruan, Kontsumo Iraunkorreko Ondasunek % 2,3 egin dute gora, eta horrek markatu du hazkundea; izan ere Kontsumo Ez Iraunkorreko Ondasunetan ez da aldaketarik izan (% 0,0). Ekipo Ondasunek, aldiz, % 0,1 egin dute behera.

Euskadiko industrian pisu gehien duten sektoreen artean, 2018ko otsailean, urte arteko aldakuntzak kontuan hartuta, hazkunde esanguratsuenak dituztenak honako hauek dira: Garraio-materialak % 7,0; Kautxuak eta plastikoak % 2,6; Energia elektrikoaren, gasaren eta lurrunaren sektoreak eta Metalurgiaren eta produktu metalikoen sektoreak % 2,4, bi kasuetan.

Beherakada, berriz, Zuraren, paperaren eta arte grafikoen sektorean izan da, eta urte arteko beherakada % 6,7koa izan da.

Lurralde historikoen arabera, Industria Ekoizpeneko Indizearen otsaileko urte arteko bilakaera positiboa izan da hiru lurralde historikoetan: Gipuzkoan % 5,4 egin du gora, Bizkaian % 3,8 eta Araban % 0,1.

ITURRIA: Eustat. 2018/04/05. Hemendik eskuratua: http://eu.eustat.eus